Da present dumbra il chor 44 cantaduras e cantadurs e vegn presidiaus da Seraina Bundi Steiner e dirigius da Gion Gieri Tuor. Nos exercezis han per regla liug la gevgia sera en sala da cultura a Trun, dallas 19:30 entochen las 21:30. Sche ti has gust da cantar en nossas retschas, beneventein nus tei bugen.
1999 ha il chor cecilian – ensemen cun il Chor mischedau da Zignau – giu organisau la Fiasta da cant ceciliana per la Cadi, 2012 la Fiasta da cant cantunala dil Grischun e 2024 la Fiasta da cant districtuala.
Igl onn da fundaziun dil Chor cecilian ei buca enconuschents. Nus supponin che quei seigi stau alla sava dil 20 avel tschentaner. Probablamein ha il Chor cecilian cantau dall’entschatta enneu en formaziun mischedada, Quei era da quei temps nunusitau. Il pensum dil Chor ei da cultivar il cant liturgic ed embellir las fiastas da baselgia. Dasperas vegn era il cant profan tgiraus ed il chor semesira adina puspei cun success a fiastas da cant cecilianas e profanas.
Cultura cantica ha ina fetg liunga e ferma tradiziun a Trun. Era sch’il Chor viril da Trun, il Chor viril e mischedau da Zignau, il Chor viril da Darvella ed il Chor d’affons da Trun existan buca pli – decennis alla liunga han quellas formaziuns marcau la cultura cantica en ed ordvart vischnaunca. Ina formaziun ha surviviu: il Chor cecilian da Trun. E Trun astg’ins era numnar la sedia dil cantus firmus surselva. Trun han il cant e la musica giu da vegl enneu ina gronda muntada e tradiziun. Quei ei d’attribuir a capavels ed engaschai dirigents che han giu las habilitads musicalas da motivar cantaduras e cantadurs per quei niebel art, aschia era tier il Chor cecilian.
Sopran
Bundi Steiner Flurina, Cadruvi Annina, Cadruvi Gabriela, Decurtins Melina, Degonda Rita, Giorgio Lisa, Guldimann Carla, Maissen Zita, Maissen Letizia, Maissen Matilda, Nay Erna, Perl Esther, Rensch Maria, Schmed Marielle, Simeon Tania, Staffelbach Rahel, Tambornino Gabriela
Alt
Bundi Claudia, Bundi Giusepina, Bundi Steiner Seraina, Decurtins Paula, Decurtins Sandra, Lanz Rosy, Pelican Crista, Quinter Blandina, Rensch Letizia, Riedi Gabriela, Schnider Judith, Simeon Justina, Bundi Paula, Wolf Manuela
Tenor
Cagienard Otto, Rensch Clau, Tomaschett Rinaldo (congedi), Livers Meinrad (gidonter), Tiri David (gidonter)
Bass
Decurtins Fridolin, Lombriser Clau, Lombriser Sievi (congedi), Rensch Christoffel, Maissen Tarcisi, Simeon Benedetg, Venzin Ramun
Gion Gieri Tuor
Siu studi sco dirigent ha Gion Gieri terminau al conservatori da Lucerna. Ulteriuras scolaziuns ha el frequentau tier Erich Widl a Turitg en la casa d’opera, tier Laszlo Pogany a Feldkirch e György Selmeczi a Budapest, sco era tier Andreas Spörri a Basilea. – Gion Gieri ha dirigiu differents chors e musicas da stuors en la Surselva. Aschia stat dapi il 2006 era igl orchester ed il chor opera viva sut sia bitgetta.
